„ევროპულმა საქართველომ“ ცესკოში დავით ბაქრაძის კანდიდატურის მხარდასაჭერად 45 ათასი ხელმოწერა შეიტანა

„ევროპული საქართველოს“ წევრებმა ირაკლი კიკნაველიძემ და ლევან თარხნიშვილმა ცესკოში დავით ბაქრაძის კანდიდატურის მხარდასაჭერად 45 ათასი ხელმოწერა შეიტანა.

“ჩვენ ჩავაბარეთ “ევროპული საქართველოს” კანდიდატის დავით ბაქრაძის მხარდასაჭერი ხელმოწერები. ჩავაბარეთ 45 000-ზე მეტი ხელმოწერა, 25 000-ის ვალდებულება გვქონდა, მაგრამ ბევრად მეტი შევიტანეთ. პირველები ვართ და ასევე დარწმუნებული ვარ, როგორც ამ საქმეში ვართ პირველები, ასევე პირველ ადგილზე დავამთავრებთ ამ არჩევნებს და დავით ბაქრაძე გაიმარჯვებს”,- აღნიშნა ლევან თარხნიშვილმა.