გურამ კაშია - განვაგრძობ ფეხბურთის თამაშს და მოედნის შიგნით და გარეთ მხარს დავუჭერ ადამიანების თანასწორობას

განვაგრძობ ფეხბურთის თამაშს და მოედნის შიგნით და გარეთ მხარს დავუჭერ ადამიანების თანასწორობას, - ამის შესახებ საქართველოს ნაკრების ვიცე-კაპიტანი გურამ კაშია ვიდეომიმართვაში საუბრობს, რომელიც უეფამ გაავრცელა. კაშია უეფას და მის პრეზიდენტს ალექსანდრ ჩეფერინის „თანასწორობის ჯილდოთი“ დაჯილდოვებისთვის მადლობას უხდის.

„ბატონ ალექსანდრეს და უეფა-ს მადლობა მინდა გადავუხადო ამ ჯილდოს გადმოცემისთვის. ჩემთვის დიდი მიღწევაა ამ ჯილდოს მიღება. ეს დიდი მიღწევაა ჩემთვის, ჩემი ოჯახისთვის და ჩემი ქვეყნისთვის. ძალიან გავოცდი, როდესაც ეს ჯილდო მივიღე, მაგრამ მადლობელი ვარ მისი მიღებისთვის. ფეხბურთი ყოველთვის იყო ჩემი სიყვარული, ჩემი გატაცება. განვაგრძობ ფეხბურთის თამაშს და მოედნის შიგნით და გარეთ მხარს დავუჭერ ადამიანების თანასწორობას“, - აცხადებს კაშია.

უეფამ საქართველოს ნაკრების ფეხბურთელი გურამ კაშია „თანასწორობის ჯილდოთი“ დააჯილდოვა. ცერემონიალი მონაკოში გაიმართა, სადაც ასევე ჩემპიონთა ლიგის კენჭისყრა და წლის საუკეთესო ფეხბურთელები გამოავლინეს. თავად გურამ კაშია, რომელიც ამერიკის შეერთებული შტაბების ეროვნულ ჩემპიონატში ასპარეზობს, მონაკოში გამართულ ღონისძიებას ვერ დაესწრო და მის ნაცვლად პრიზი საქართველოს ფეხბურთის ფედერაციის პრეზიდენტს, ლევან კობიაშვილს უეფას პრეზიდენტმა ალექსანდრ ჩეფერინიმ გადასცა.

ქართველმა ფეხბურთელმა გურამ კაშიამ დღეს დილით მისი კლუბის, „სან ხოსეს“ შემადგენლობაში ჩემპიონატის მატჩი ითამაშა და სავარაუდოდ სწორედ ეს არის მიზეზი, რის გამოც მონაკოში ჩასვლა ვერ მოახერხა. კაშია აღნიშნული ჯილდოთი, რომელიც უეფამ წელს პირველად დააწესა, ლგბტ თემის მხარდაჭერისთვის მიიღო.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს