1-ელ სექტემბერს სახალხო დღესასწაული „შატილობა“ გაიმართება

“მე ერთი ქვა ვარ, შატილის კოშკის” - აღნიშნული დევიზით მიმდინარე წლის 1-ელ სექტემბერს დუშეთის მუნიციპალიტეტში სახალხო დღესასწაული “შატილობა” გაიმართება.

როგორც „ინტერპრესნიუსს“ დუშეთშის მაჟორიტარი დეპუტატის, ზაქარია ქუცნაშვილის ბიუროდან აცნობეს, დღესასწაულს სოფელი შატილი და სოფელი მუცო რეაბილიტირებული მუცოს კომპლექსითა და აღდგენილი შატილის კოშკით ხვდებიან, რომლის სამუშაოები დასკვნით ფაზაშია შესული.

„სახალხო დღესასწაულის მიზანია პირიქითა ხევსურეთის ჩართულობის გაზრდა საქართველოს სახელმწიფოს განვითარებაში, რაც დაკავშირებულია ადგილზე არსებული პრობლემების მოგვარებასთან და საკომუნიკაციო არხების გაუმჯობესებასთან საქართველოს დანარჩენ ნაწილთან.

დღის განმავლობაში დაგეგმილია სხვადასხვა კულტურული და სპორტული ღონისძიებები: ლუდის კოდის დალოცვა (რიტუალის შესრულება ), დოღი, ქართული საბრძოლო ხელოვნების ჩვენება, ცეცხლოვანი შოუ შატილის კოშკებზე, კონცერტი ფოლკლორული ანსამბლის, ინდივიდუალური შემსრულებლებისა და ახალგაზრდა ხევსური პოეტების მონაწილეობით.

დღის ბოლოს გაიმართება გალა-კონცერტი ჯგუფი „რეგიონისა“ და „ჩვენებურების“ მონაწილეობით“, - აცხადებენ ქუცნაშვილის ბიუროში.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან