გია ვოლსკი - გიორგი მარგველაშვილი აჭარბებდა უფლებამოვალეობებს - საპრეზიდენტო არჩევნებში მონაწილეობა არც უნდა მიეღო

ჩემი შეხედულებით, გიორგი მარგველაშვილს არც უნდა მიეღო მომავალ საპრეზიდენტო არჩევნებში მონაწილეობა და მისი ეს გადაწყვეტილება მართებულია, - ამის შესახებ პარლამენტის ვიცე სპიკერმა გია ვოლსკიმ საქართველოს პრეზიდენტის გადაწყვეტილების შეფასებისას „ინტერპრესნიუსს“ განუცხადა.

გია ვოლსკის თქმით, ის არ აფასებს გიორგი მარგველაშვილის პიროვნულ გადაწყვეტილებას, თუმცა როგორც პრეზიდენტი, დეპუტატის თქმით, ხშირად იღებდა არასწორ გადაწყვეტილებებს.

„ეს პიროვნული გადაწყვეტილებაა. მე ნამდვილად ვერანაირად ვერ შევაფასებ ადამიანის პირადად მიღებულ გადაწყვეტილებას. თუმცა რაც შეეხება როგორც პრეზიდენტს, მის საქმიანობას, მის გადაწყვეტილებას, მის ხედვებს, არ ვაფასებ პოზიტიურად იმიტომ, რომ ძალიან ბევრ საკითხზე მისი პოზიციაც, მისი მოქმედებებიც იყო აბსოლუტურად შეუსაბამო იმ ინტერესებთან, რასაც სახელმწიფოს ინტერესები ჰქვია.

იგი არაობიექტური იყო საკონსტიტუციო პროცესისადმი დამოკიდებულებაში, არასწორად იქცეოდა, როდესაც სახელმწიფო დელეგაციები ყალიბდებოდა ამა თუ იმ მნიშვნელოვან საკითხთან დაკავშირებით, აჭარბებდა თავის უფლებამოვალეობებს, როდესაც უპირისპირდებოდა სახელისუფლო სტრუქტურებს და არასწორად იყენებდა ვეტოს უფლებას. ეს არის თემები, რომელიც, რომ შევაფასოთ მთლიანობაში, ნორმალურად, სწორად მოაზროვნე ადამიანს უნდა აძლევდეს საფუძველს იმისათვის, რომ არ მიიღოს მონაწილეობა საპრეზიდენტო არჩევნებში.

გიორგი მარგველაშვილი საპრეზიდენტო არჩევნებში მონაწილეობას აღარ მიიღებს.

ამის შესახებ საქართველოს პრეზიდენტმა გიორგი მარგველაშვილმა სტუდენტებთან შეხვედრაზე განაცხადა.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)