ზვიად ძიძიგური - მარგველაშვილის გადაწყვეტილება ადეკვატურია, ასეთი გადაწყვეტილებებით მაინცდამაინც განებივრებული არ ვყოფილვართ
საპარლამენტო უმრავლესობის წევრი, ზვიად ძიძიგური მიიჩნევს, რომ პრეზიდენტ გიორგი მარგველაშვილის გადაწყვეტილება, საარჩევნო პროცესზე სერიოზულ გავლენას ვერ მოახდენს.
ასე აფასებს ძიძიგური გიორგი მარგველაშვილის გადაწყვეტილებას, რომელიც საპრეზიდენტო არჩევნებში მონაწილეობას არ მიიღებს.
"ვფიქრობ, რომ პრეზიდენტ გიორგი მარგველაშვილის გადაწყვეტილება ადეკვატურია, ასეთი გადაწყვეტილებებით მაინცდამაინც განებივრებული არ ვყოფილვართ პოლიტიკური თვალსაზრისით, მისი საპრეზიდენტო ვადის განმავლობაში. ვფიქრობ, ეს გადაწყვეტილება მაინცდამაინც სერიოზულ გადაწყვეტილებას ელექტორალური თვალსაზრისით არ მოახდენს საარჩევნო პროცესზე", - განაცხადა ძიძიგურმა.
გიორგი მარგველაშვილი საპრეზიდენტო არჩევნებში მონაწილეობას აღარ მიიღებს.
ამის შესახებ საქართველოს პრეზიდენტმა გიორგი მარგველაშვილმა სტუდენტებთან შეხვედრაზე განაცხადა.
