მაია ცქიტიშვილი - ჩინეთში ვიზიტი საკმაოდ კარგი და კონკრეტული შედეგებით დასრულდა

ძალიან მნიშვნელოვანი სამუშაო ვიზიტი გვქონდა ჩინეთის სახალხო რესპუბლიკაში და ვფიქრობ, საკმაოდ კარგ და კონკრეტულ შედეგებს მივაღწიეთ, - ასე შეაფასა ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა ქართული დელეგაციის სამუშაო ვიზიტი ჩინეთის სახალხო რესპუბლიკის ქალაქ ურუმჩიში.

მაია ცქიტიშვილის თქმით, ის კმაყოფილია, რომ ქართულ მხარეს ჩინეთის ევრაზიის ექსპოში მონაწილეობის საშუალება მიეცა. მისივე განცხადებით, განსაკუთრებულად აღსანიშნავია შეხვედრა ჩინეთის ვიცე-პრემიერთან ბატონ ჰუ ჩუნჰუასთან.

როგორც „ინტერპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს, სამუშაო ვიზიტის ფარგლებში განხილულ იქნა სხვადასხვა მიმართულებით ორ ქვეყანას შორის თანამშრომლობის საკითხები და ყურადღება გამახვილდა „აბრეშუმის გზის" ფარგლებში ე.წ. შუა დერეფნის განვითარებაში საქართველოს როლზე.

მათივე ცნობით, შეხვედრების ერთ-ერთი ძირითადი თემა იყო რკინიგზის, ისევე როგორც სხვა სატრანსპორტო ქსელის გამოყენების შესაძლებლობა საქართველოს გავლით ევროპაში ჩინური ტვირთის ტრანსპორტირებისთვის და ე.წ. შუა დერეფნის უფრო აქტიურად გამოყენება.

როგორც ვიზიტის დასასრულს მაია ცქიტიშვილმა აღნიშნა, მხარეები სამუშაო ჯგუფების ჩამოყალიბების თაობაზე შეთანხმდნენ.

,,ეს ჯგუფები შეაფასებენ რა ხარვეზები არსებობს, რა პოტენციალი და შესაძლებლობები გვაქვს, რომ ხელი შევუწყოთ, როგორც სარკინიგზო, ისე საავტომობილო მიმოსვლას და რაც კიდევ უფრო მნიშვნელოვანია, ურთიერთვაჭრობის გაღრმავებას და ინვესტიციების გაზრდას“, - განაცხადა ვიცე-პრემიერმა.

რეგიონული განვითარებისა და ინფრასტრუქტურის სამინისტროს ინფორმაციი|თ, ვიზიტის ფარგლებში ქართულმა დელეგაციამ შეხვედრები გამართა ჩინეთის ვიცე-პრემიერთან, ქსიანინგის ავტონომიის ლიდერთან და უმსხვილეს საინვესტიციო კომპანია ,,ჰუალინგ ჯგუფის“ ვიცე-პრეზიდენტთან, ასევე მაია ცქიტიშვილი სიტყვით გამოვიდა ჩინეთ-ევრაზიის ეკონომიკური თანამშრომლობის ფორუმზე.

ქართული დელეგაციის შემადგენლობაში იყვნენ საქართველოს ეკონომიკისა და მდგრადი განვითარების მინისტრის მოადგილე გენადი არველაძე და რკინიგზის გენერალური დირექტორი დავით ფერაძე.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს