სოჭში ავიაკომპანია Utair-ის თვითმფრინავი, რომელიც მოსკოვი-სოჭის რეისს ასრულებდა, დასაჯდომ ზოლს გასცდა და მდინარეში გადავარდა, სადაც მას ცეცხლი გაუჩნდა. შემთხვევის შედეგად 18 ადამიანია დაშავებული.
ამის შესახებ რუსეთის ჯანდაცვის სამინისტრო იუწყება.
„ამ მომენტისთვის დაშავებულთა რიცხვი 18-ს შეადგენს, მათ შორის 3 ბავშვია“, - განაცხადეს სამინისტროში.
კრასნოდარის ოლქის გუბერნატორის ვენიამინ კონდრატიევის ინფორმაციით, ბორტზე 166 მგზავრი იმყოფებოდა.