სენატორ ჯონ მაკკეინის ცხედარი ვაშინგტონის კაპიტოლიუმიდან ეროვნულ საკათედრო ტაძარში გადაასვენეს. სამგლოვიარო ცერემონიას ოჯახის წევრები, ჯო ბაიდენი, ბილ და ჰილარი კლინტონები, ჰენრი კისინჯერი, ჯორჯ ბუში უმცროსი, სენატისა და ხელისუფლების წარმომადგენლები ესწრებიან.

სენატორი 81 წლის ასაკში 25 აგვისტოს, სიმსივნის დიაგნოზით გარდაიცვალა. ჯონ მაიკკეინს 2 სექტემბერს, მერილენდის შტატის ქალაქ ანაპოლისში სამხედრო საზღვაო აკადემიის სასაფლაოზე დაკრძლავენ.