უკრაინის პრეზიდენტი პეტრო პოროშენკო ინიციატივით გამოვიდა, კიევის ცენტრში მდებარე ივან კუდრის ქუჩას სენატორ ჯონ მაკკეინის სახელი მიენიჭოს.
ამის შესახებ უკრაინის პარლამენტში უკრაინის პრეზიდენტის წარმომადგენელმა ირინა ლუცენკომ განაცხადა.
„უკრაინის პრეზიდენტი პარლამენტის ფრაქციებს მიმართავს, კიევის მერიისთვის მის მიმართვას დაუჭირონ მხარი, რომელშიც ის ივან კუდრის ქუჩისთვის, რომელიც „ჩეკისტი“ და ტერორისტი იყო, სენატორ ჯონ მაკკეინის სახელის მინიჭებას ითხოვს“, - განაცხადა პარლამენტში უკრაინის პრეზიდენტის წარმომადგენელმა.
აღნიშნულ ინიციატივას მხარი დაუჭირა უკრაინის პრეზიდენტის პარტიამ „პეტრო პოროშენკოს ბლოკმა“.
ჯონ მაკკეინი 25 აგვისტოს 81 წლის ასაკში გარდაიცვალა. ის გუშინ აშშ-ს სამხედრო-საზღვაო აკადემიის სასაფლაოზე დაკრძალეს.