ტერორისტული დაჯგუფება „ისლამური სახელმწიფოს“ შემოსავლები 2014 წლიდან ათჯერ შემცირდა და წელიწადში 200-300 მილიონ დოლარს შეადგენს, - ამის შესახებ ФСБ-ს ოპერატიული ინფორმაციისა და საერთაშორისო კავშირების სამსახურის ხელმძღვანელმა სერგეი ბესედამ განაცხადა.
„თუ შევადარებთ იმ ფინანსურ შემოსავლებს, რომლებიც 2014 წელს ჰქონდათ და დაახლოებით 3 მილიარდ დოლარს შეადგენდა, ახლა „ისლამური სახელმწიფოს“ წლიური შემოსავალი 200-300 მილიონ დოლარს აღწევს“, - განაცხადა ბესედამ.
მისივე თქმით, ეს უკავშირდება იმას, რომ „საგრძნობლად შემცირდა ნავთობის გაყიდვიდან მიღებული შემოსავალი და ის გადასახადები, რომლებიც ტერორისტების მიერ კონტროლირებად ტერიტორიებზეა დაწესებული“.