არ ვიცი, არის თუ არა საქართველოს ტერიტორიები ოკუპირებული, მე იშვიათად ვეთანხმები რამეში დასავლურ სამყაროს - ამის შესახებ ჟურნალისტებს ვლადიმერ პუტინის ფონდის დაფინანსებით მიმდინარე მედიაფორუმის მონაწილე, მწერალმა დიმიტრი კოსირევმა სასტუმრო „ვერე პალასთან“ განუცხადა, სადაც ამ წუთებში აღნიშნული მედიაფორუმის პარალელურად სამოქალაქო აქტივისტების საპროტესტო აქცია პერფორმანსი იმართება.

„საჭიროა მოლარაპაკებები, რაც ჩემი საქმე არაა. არ ვიცი, არის თუ არა საქართველოს ტერიტორიები ოკუპირებული. მე იშვიათად ვეთანხმები რამეში დასავლურ სამყაროს, ვინაიდან ბოლო დროს ის ძალიან ხშირად ცდება - მათ არ იციან რა არის აზია, რა არის სამხრეთ აზია, მათ დაკარგეს აფრიკა, დაშალეს საკუთარი ამერიკა - ამიტომ რთულია მათ დაეთანხმო. იმისთვის, რომ რაიმე საკითხზე საკუთარი აზრი ჩამოვაყალიბო, მე ამ საკითხის ხანგრძლივი შესწავლა მჭირდება. როდესაც რომელიმე საკითხს არ ვიცნობ, მასთან დაკავშირებით საკუთარი აზრი არ მაქვს“, - განაცხადა კოსირევმა.