ბრაზილიის პოლიციამ უზენაეს ფედერალურ სასამართლოში გაგზავნა მოხსენება, რომელშიც ქვეყნის პრეზიდენტის მიშელ ტემერის მიერ სამშენებლო კომპანია Odebrecht-ისგან ქრთამის აღების მტკიცებულებებია წარმოდგენილი.

ტელეარხ Globo-ს ინფორმაციით, პოლიცია მიიჩნევს, რომ ტემერი კორუფციასა და ფულის გათეთრებაშია ჩართული და გამოძიების დაწყებას ითხოვს.

შეგახსენებთ, რომ ეს ტემერის წინააღმდეგ გამოძიების დაწყების მესამე მცდელობაა. 2017 წლის ოქტომბერში ეროვნული კონგრესის ქვედა პალატამ კორუფციის შესახებ სხვა საქმეზე მისთვის ბრალის წარდგენა დაბლოკა. 2018 წელს კი საგამოძიებო სამსახურები ტემერისა და სატრანსპორტო კომპანია Rodrimar SA-ს კავშირებს იძიებდნენ.