BIAFF 2018 კინოფესტივალის ინდუსტრიული პლატფორმის „ალტერნატიული ტალღის” მენეჯმენტმა პროექტების შერჩევა დაასრულა. ამის შესახებ „ინტერპრესნიუსს“ აჭარის ავტონომიური რესპუბლიკის ტურიზმისა და კურორტების დეპარტამენტიდან აცნობეს. მათივე ინფორმაციით, შერჩეული იქნა 8 პროექტი - 6 - საქართველოდან, 1 - თურქეთიდან და 1- უკრაინიდან. „ბათუმის საერთაშორისო კინოფესტივალის” ფარგლებში „ალტერნატიული ტალღა" 19-23 სექტემბერს ბათუმში გაიმართება.

„ალტერნატიული ტალღის” მენეჯმენტის მიერ შერჩეული პროექტებია:

1. “56. გაზაფხული”; ავტორი რუსუდან პირველი.

2. “ბავშვი”; რეჟისორი ნინო ბასილია, პროდიუსერი კოკო (კარლო) ჩიხრაძე.

3. “მსხვერპლი”; ავტორები ამირან დოლიძე, თედო დოლიძე.

4. “ქალაქის ლანდი”; ავტორები თორნიკე ტიკარაძე, გიგა ლიკლიკაძე.

5. “Easter-იკა”; რეჟისორი სოფო ჭინჭარაული, პროდიუსერი ელენე თავაძე.

6. “შუშანა”; ავტორი ირინა გაჩეჩილაძე.

7. “ანტონის ცხოვრება”; რეჟისორი იულია მირონენკო, პროდიუსერი იგორ სავიჩენკო (უკრაინა).

8. “ყულაბა”; რეჟისორი ფენიტ კაროლი, პროდიუსერი ნეფეს პოლატი (თურქეთი)

შერჩეულ მონაწილეებს მიეცემათ საშუალება ექსპერტების მონაწილეობით განავითარონ სრულმეტრაჟიანი მხატვრული ფილმის პროექტები შემდეგი მიმართულებებით: სცენარის განვითარება, კო-პროდუქციის სტრატეგია, დაფინანსების სტრატეგია, საფესტივალო სტრატეგია, დისტრიბუციის და მარკეტინგის სტრატეგია.

„ინდუსტრიული ტალღის“ ექსპერტები არიან: გულინ უსტუნ, აიშეგულ ექმექჩიოღლუ, ნიკ ჰოლდსვორთი (დიდი ბრიტანეთი), კატარინა მარკოვა (სლოვაკეთი), ნიკოს პანაგიოტოპოულოს (საბერძნეთი).

ასევე მოწვეული სპიკერები - სერგეი რახლინი (აშშ - „ოქროს გლობუსი“), ოლეგ ნეგინი (რუსეთი), პოლ ტილჯეს (ლუქსემბურგი)

“ალტერნატიული ტალღა” 2018-ის დასასრულს, კინოინდუსტრიის წარმომადგენლებისთვის გამართულ პრეზენტაციაზე გამოვლინდება საუკეთესო პროექტი,” - ნათქვამია ინფორმაციაში.