მამუკა ბახტაძე - ევროკავშირისგან საქართველოს სრული მხარდაჭერა აქვს იმ რეფორმებზე, რომელიც ხორციელდება განათლებისა და ეკონომიკის მიმართულებით

საქართველოს პრემიერ-მინისტრის, მამუკა ბახტაძის განცხადებით, ევროკავშირისგან საქართველოს სრული მხარდაჭერა აქვს იმ რეფორმებზე, რომელიც ხორციელდება განათლებისა და ეკონომიკის მიმართულებით.

როგორც ბახტაძემ ევროკომისარ იოჰანეს ჰანის ვიზიტის შეფასებისას განაცხადა, ამ ვიზიტის ფარგლებში გაიხსნა ევროპული სკოლა, რაც ნათელი მაგალითია საქართველო-ევროკავშირის ურთიერთობის.

„საქართველოში ვიზიტით იმყოფებოდა ევროკომისარი იოჰანეს ჰანი. გვაქვს სრული მხარდაჭერა იმ რეფორმებზე, რომელსაც ვახორციელებთ განათლებისა და ეკონომიკის მიმართულებით. ჩვენ მივიღეთ სრული მხარდაჭერა მცირე და საშუალო ბიზნესის ხელშეწყობისა და იმ პოლიტიკის მიმართულებით, რომელიც გულისხმობს ინკლუზიური ეკონომიკური ზრდის მიღწევას. კომისარის ვიზიტის ფარგლებში ჩვენ გავხსენით აღმოსავლეთ პარტნიორობის ევროპული სკოლა. ეს არის პირველი სკოლა, რომელიც ევროკავშირის ქვეყნების გარეთ დაფუძნდა და ის არის სიახლე არა მხოლოდ საქართველოსთვის, არამედ მთლიანად რეგიონისთვის. სასიხარულოა, რომ ეს პატივი საქართველოს ხვდა წილად და მინდა ევროპელ პარტნიორებს ამისთვის მადლობა გადავუხადო. ევროპული სკოლის არსებობა მნიშვნელოვან წვლილს შეიტანს განათლების სისტემის რეფორმის პროცესში. ამავე დროს, ეს არის ძალიან ნათელი მაგალითი იმ ნაყოფიერი ურთიერთობის, რომელიც ჩამოგვიყალიბდა ევროსტრუქტურებთან“, - განაცხადა ბახტაძემ.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 25.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
"სილქ როუდ ჯგუფის" განცხადება "საქანელას" პროექტის შესახებ