სოფიო ქაცარავა - ურუგვაი წარმოადგენს საქართველოს სუვერენიტეტისა და ტერიტორიული მთლიანობის მხარდამჭერს

სოფიო ქაცარავა ურუგვაის სენატში საქართველოს პარლამენტთან მეგობრობის ჯგუფის ხელმძღვანელს მონიკა ქსავიერს შეხვდა, რომელიც თბილისში ოფიციალური ვიზიტით იმყოფება.

როგორც „ინტერპრესნიუსს“ საქართველოს პარლამენტიდან აცნობეს, შეხვედრაზე განიხილეს ორმხრივი საპარლამენტო ურთიერთობების განვითარების დინამიკა, სამომავლო დღის წესრიგი და საერთო ინტერესები. მათივე ინფორმაციით, პოლიტიკურ საკითხებთან ერთად აქცენტი გაკეთდა ეკონომიკური თანამშრომლობის პერსპექტივებზე და საერთო მიზნებზე ამ სფეროში.

„ჩვენთვის ერთ-ერთი მნიშვნელოვანი საგარეო პოლიტიკურ მიმართულებაა ლათინური ამერიკის ქვეყნებთან ურთიერთობების გაღრმავება და საპარლამენტო კავშირების გაძლიერება. ურუგვაი საქართველოს სუვერენიტეტისა და ტერიტორიული მთლიანობის მხარდამჭერს წარმოადგენს. იკვეთება ორ ქვეყანას შორის თანამშრომლობის არაერთი სფერო. სენატორის ვიზიტი მოგვცემს შესაძლებლობას, რომ განვიხლოთ ორი ქვეყნის თანამშრომლობის დღის წესრიგში არსებული მნიშვნელოვანი საკითხები“, - განაცხადა სოფიო ქაცარავამ.

საგარეო ურთიერთობათა კომიტეტის თავმჯდომარემ შეხვედრაზე ყურადღება გაამახვილა ოკუპირებულ ტერიტორიებზე არსებულ ვითარებასა და ამ მიმართულებით პარტნიორი ქვეყნების მხარდაჭერის მნიშვნელობაზე.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ