საქართველოს იუსტიციის უმაღლესი საბჭოს დამოუკიდებელი ინსპექტორის სამსახურში დამოუკიდებელი კანცელარია ამოქმედდა, - ამის შესახებ „ინტერპრესნიუსს“ იუსტიციის უმაღლესი საბჭოდან აცნობეს.
მათივე ინფორმაციით, კონკურსის შედეგად შერჩეული კანდიდატი უფლებამოსილებას 2018 წლის 30 აგვისტოდან ასრულებს. შესაბამისად, ამ დროისათვის იუსტიციის უმაღლესი საბჭოსა და დამოუკიდებელი ინსპექტორის სამსახურის კანცელარია ცალ-ცალკე ფუნქციონირებს. დამოუკიდებელი ინსპექტორის სამსახურის კანცელარიაში ნებისმიერ პირს შესაძლებლობა აქვს ჩააბაროს დისციპლინური საჩივარი, კორესპოდენცია და დისციპლინურ საქმესთან დაკავშირებული ნებისმიერი სხვა განცხადება.
დამოუკიდებელი ინსპექტორის სამსახურში ინსტიტუტის ამოქმედებიდან დღემდე 352 დისციპლინური საჩივარი შევიდა.