აზიურ ფაროსანასთან ბრძოლის მიზნით, წელს სახელმწიფომ 50 მილიონი ლარი გამოყო

აზიურ ფაროსანასთან ბრძოლის მიზნით, მიმდინარე წელს მოსავლის გადასარჩენად სახელმწიფომ 50 მილიონი ლარი გამოყო.

როგორც „ინტერპრესნიუსს“ სურსათის ეროვნული სააგენტოდან აცნობეს, საქართველოს მთავრობის 2018 წლის 30 იანვრის N224 განკარგულებით მავნებლის წინააღმდეგ ბრძოლის 2018 წლის სახელმწიფო პროგრამა დამტკიცდა.

მათივე ინფორმაციით, პროგრამა ქვეყნის მთელ ტერიტორიაზე მავნებლის საწინააღმდეგო კომპლექსური ღონისძიებების გატარებას ითვალისწინებს: მავნებლის იდენტიფიკაციის მიზნით მონიტორინგი მთელი ქვეყნის ტერიტორიაზე; შეწამვლით ღონისძიებები (ჯამურად 1მლნ. ფართობის დამუშავება); აქტიური საინფორმაციო კამპანია; სამეცნიერო-კვლევით საქმიანობა.

პროგრამის ძირითადი მიზანია ფაროსანას რიცხოვნობის შემცირება და კონტროლი, რათა მინიმუმადე შემცირდეს სასოფლო - სამეურნეო კულტურების დაზიანება და ეკონომიკური ზარალი.

მავნებელთან ბრძოლის პროგრამის განხორციელების მიზნით, გათვალისწინებულია ტექნიკური საშუალებების, სპეციალიზებული ტექნიკის, საჭირო პრეპარატების შეძენა და გაწეული მომსახურების ანაზღაურება.

სურსათის ეროვნული სააგენტოს ინფორმაციით, მიმდინარე წელს გამოყოფილი რესურსის მეშვეობით, 160-მდე ერთეული სპეციალიზებული ტექნიკის მობილიზება გახდა შესაძლებელი, რაც შარშანდელთან შედარებით გაათმაგებულია. დღეისათვის დასავლეთ საქართველოში დამუშავებულია 560.165 ჰექტარი ფართობი როგორც „თერმული ნისლის“ ტექნოლოგიით, ასევე ცივი შესხურების გამოყენებით. ღონისძიებები ინტენსიურად, ყოველდღიურ რეჟიმში მიმდინარეობს და წლის ბოლომდე გაგრძელდება.

აღსანიშნავია რომ გატარებული ღონისძიებების შედეგად მავნებლის გავრცელება შარშანდელთან შედარებით შემცირდა, ხოლო, მავნებლის გეოგრაფიული არეალი არ გაზრდილა და კვლავ ძველ საზღვრებში, დასავლეთ საქართველოში, ფიქსირდება.

„მავნებელთან ბრძოლის პროგრამის ფარგლებში დაგეგმილი ბიუჯეტის ხარჯები შემდეგნაირად არის განაწილებული: 18.766.165 ლარი - 143 მაღალი გამავლობის ტექნიკა და 120 ერთეული შემასხურებელი აგრეგატის შეძენა; 20.725.000 ლარი - 515.370 ლიტრი პესტიციდების შეძენა; 772.000 ლარი -110.740 ცალი ფერომონი; 5.191.116 ლარი - 2472 ტონა საწვავი (პრეპარატის გასაზავებლად და სამუშაოების ჩასატარებლად); 1.500.500 ლარი - ხელშეკრულებით დასაქმებული პერსონალის მომსახურების ანაზრაურება; 640 000 ლარი - დისპერსიული გენერატორის მომსახურების შესყიდვა; 592.720 ლარი - სპეც-ტექნიკის საგარანტიო საექსპლოტაციო და კომპლექტაციის ხარჯები; 292.810ლარი - ავტომანქანების სადაზღვევო მომსახურება; 1.550.000 ლარი-სამეცნიერო სამუშაოები (ბიოაგენტების შესწავლა, ლაბორატორიის შექმნა); 151.100 ლარი - დამხმარე ინვენტარი (ინდივიდუალური დაცვის საშუალებები); 710 000 ლარი - საინფორმაციო კამპანია ფერმერების და მოსახლეობის ცნობიერების ამაღლების მიზნით (საინფორმაციო მასალების ბეჭდვა, ვიდეორგოლების მომზადება, სწავლებების და შეხვედრების ორგანიზება)“, - ნათქვამია სურსათის ეროვნული სააგენტოს მიერ გავრცელებულ ინფორმაციაში.

დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
ქართული პრესის მიმოხილვა 19.11.2019
ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის