სასამართლომ ირაკლი ნადირაძე 2500 ლარით დააჯარიმა

სასამართლომ საკრებულოს „ნაციონალური მოძრაობის“ წევრი ირაკლი ნადირაძე 2500 ლარით დააჯარიმა. გადაწყვეტილება თბილისის საქალაქო სასამართლოში მოსამართლე ლაშა თავართქილაძემ რამდენიმე წუთის წინ გამოაცხადა. ირაკლი ნადირაძის თქმით, ის ამ გადაწყვეტილებას სააპელაციო სასამართლოში გაასაჩივრებს.

„ზაზა სარალიძეს და მალხაზ მაჩალიკაშვილს დაუხოცეს შვილები, ხელი დააფარეს დამნაშავეებს, დღემდე ვერ პოულობენ ისინი სამართალს და ამ დროს ბიძინა ივანიშვილის სასამართლომ მე დამაჯარიმა 2500 ლარით მხოლოდ იმიტომ, რომ მხარს ვუჭერდი ამ ადამიანებს. მე არანაირი კანონი არ დამირღვევია, მაგრამ ქვეყანაში სამართალი არ არსებობს. მე ამ გადაწყვეტილებას აუცილებლად გავაპროტესტებ სააპელაციო სასამართლოში“, - განაცხადა ირაკლი ნადირაძემ.

შეგახსენებთ, 11 ივნისს, ქაშვეთის ეკლესიასთან „ნაციონალური მოძრაობის“ რამდენიმე წევრი და აქციის მონაწილე რამდენიმე პირი დააკავეს. დაკავებულებიდან საკრებულოს „ნაციონალური მოძრაობის“ დეპუტატი ირაკლი ნადირაძე ხელწერილით გაუშვეს.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა