ადვოკატი - ირაკლი ნადირაძის მიმართ გამოტანილ გამამტყუნებელ განაჩენს სააპელაციო სასამართლოში გავასაჩივრებთ

„ირაკლი ნადირაძის მიმართ გამოტანილ გამამტყუნებელ განაჩენს სააპელაციო სასამართლოში გავასაჩივრებთ“, - ამის შესახებ საკრებულოს „ნაციონალური მოძრაობის“ დეპუტატის ირაკლი ნადირაძის ადვოკატმა გიორგი ჟამუტაშვილმა სასამართლო სხდომის დასრულების შემდეგ „ინტერპრესნიუსთან“ საუბრისას განაცხადა. ადვოკატის თქმით, ნადირაძის მიმართ არანაირი მტკიცებულება არ არსებობდა, რომ ის 2500 ლარით დაეჯარიმებინათ.

„ამ შემთხვევაში საქმეში მტკიცებულებები საერთოდ არ იყო. დამკავებელი, რომელმაც ირაკლი ნადირაძე დააკავა, ვიდეოკადრებში საკუთარი თავი ვერ აღმოაჩინა და იქ საერთოდ არ იყო. ჩვენ წარვადგინეთ ვიდეომტკიცებულება, სადაც ნათლად ჩანს, რომ ირაკლი ნადირაძე არანაირ დანაშაულს არ ჩადის, მაგრამ სასამართლომ მაინც გამამტყუნებელი განაჩენი გამოიტანა. მათ ასევე ვერ დაადგინეს, რომელი ადამიანის დაკავებას შეუშალა ხელი ირაკლი ნადირაძემ. ასეთი რამ ვერც პოლიციელებმა თქვეს. ჩვენ აუცილებლად გავასაჩივრებთ სააპელაციო სასამართლოში ამ გადაწყვეტილებას“, - განაცხადა გიორგი ჟამუტაშვილმა.

შეგახსენებთ, სასამართლომ საკრებულოს დეპუტატი ირაკლი ნადირაძე 2500 ლარით დააჯარიმა. თბილისის საქალაქო სასამართლოში მოსამართლე ლაშა თავართქილაძემ გადაწყვეტილება რამდენიმე წუთის წინ გამოაცხადა. ირაკლი ნადირაძის თქმით, ის ამ გადაწყვეტილებას სააპელაციო სასამართლოში გაასაჩივრებს.

11 ივნისს, ქაშვეთის ეკლესიასთან „ნაციონალური მოძრაობის“ რამდენიმე წევრი და აქციის მონაწილე რამდენიმე პირი დააკავეს. დაკავებულებიდან საკრებულოს „ნაციონალური მოძრაობის“ დეპუტატი ირაკლი ნადირაძე ხელწერილით გაუშვეს.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო