საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი დუშეთის მუნიციპალიტეტის სოფელ ქვეშეთის გამგეობის ადმინისტრაციულ შენობაში, ჟინვალი–ლარსის საავტომობილო გზის ქვეშეთი-კობის მონაკვეთის მშენებლობის პროექტის, გარემოზე ზემოქმედების შეფასების პროცესის ფარგლებში, საკონსულტაციო შეხვედრას გამართავს. ამის შესახებ „ინტერპრესნიუსს“ საქართველოს საავტომობილო გზების დეპარტამენტიდან აცნობეს.
მათივე ინფორმაციით, შეხვედრაში, რომელიც 7 სექტემბერს, გაიმართება, მონაწილეობის მიღება ყველა დაინტერესებულ პირს შეუძლია. შეხვედრის მიზანია დაგეგმილ სამუშაოთა ზემოქმედების არეალში მოქცეული ადგილობრივი მოსახლეობის ინფორმირება.