ევროპის საბჭოში საქართველოს მუდმივმა წარმომადგენელმა ირაკლი გივიაშვილმა „კინემატოგრაფიული თანაწარმოების შესახებ“ ევროპის საბჭოს კონვენციას(განახლებული)მოაწერა ხელი. ამის შესახებ „ინტერპრესნიუსს“ საგარეო საქმეთა სამინისტროდან აცნობეს.
მათივე ინფორმაციით, კინემატოგრაფიული თანაწარმოების შესახებ ევროპის საბჭოს კონვენციის(განახლებული) ხელმოწერა ხელს შეუწყობს საქართველოში კინემატოგრაფიის სფეროში, საერთაშორისო დონეზე თანაწარმოების განვითარებას და საშუალებას მისცემს საქართველოს კინოინდუსტრიის წარმომადგენლებს აწარმოონ ერთობლივი ფილმები ევროპის სხვადასხვა ქვეყანასთან.
„კონვენცია ითვალისწინებს სხვადასხვა ქვეყნების კულტურული მრავალფეროვნების ხელშეწყობას, კინემატოგრაფიული თანაწარმოების გაძლიერებას, როგორც კულტურული მრავალფეროვნების შექმნისა და გამოხატვის ინსტრუმენტს“, - ნათქვამია სამინისტროს მიერ გავრცელებულ ინფორმაციაში.