თბილისში, გლდანის მეორე მიკრორაიონში, საცხოვრებელ კორპუსის მე-8 სართულზე ხანძარი გაჩნდა. როგორც „ინტერპრესნიუსს“ საგანგებო სიტუაციების მართვის სამსახურიდან აცნობეს, ხანძრის შედეგად საცხოვრებელი კორპუსის მე-8 სართულზე 60 კვ.მ-ის ფართი და საოჯახო ნივთები დაიწვა.

საგანგებო სიტუაციების მართვის სამსახურის ცნობით, ადგილზე 4 სახანძრო-სამაშველო ჯგუფი მუშაობდა. ძლიერი დაკვამლიანების გამო, მეხანძრე-მაშველებმა კორპუსის მე-9 სართულიდან 4 მოქალაქე გამოიყვანეს, მათ შორის 2 მცირეწლოვანი ბავშვი. ხანძრის შედეგად არავინ დაშავებულა. ხანძარი უკვე ლიკვიდირებულია.