არჩილ თალაკვაძე მოზარდების მკვლელობის საქმეზე - იმედს ვიტოვებ, რომ პლენარულ სხდომაზე შევძლებთ პოლიტიკური ინტერესებიდან დაცლილი დადგენილების მიღებას

მე იმედს ვიტოვებ, რომ პლენარულ სხდომაზე შევძლებთ პოლიტიკური ინტერესებიდან დაცლილი დადგენილების მიღებას, სადაც მხოლოდ ობიექტური დასკვნები იქნება მოცემული, - ამის შესახებ საპარლამენტო უმრავლესობის ლიდერმა არჩილ თალაკვაძემ ხორავას ქუჩაზე მომხდარი მკვლელობის საქმეზე საუბრისას განაცხადა.

არჩილ თალაკვაძემ კიდევ ერთხელ განმარტა ის მიზეზები, თუ რატომ არ დაუჭირა კომისიის დაკვნას მხარი და აღნიშნა, რომ "ევროპულმა საქართველომ“ ვერ მოახერხა პოლიტიკური გრავიტაციისთვის თავის დაღწევა.

"კომისია შეიქმნა იმისთვის, რომ დაგვედგინა, არის თუ არა სახელმწიფო მართლმსაჯულების წინააღმდეგ ამ საქმეში. შესაბამისად, კომისიის ამოცანა იყო სწორედ ამაზე გაეცა პასუხი. სამწუხაროდ, “ევროპულმა საქართველომ” ვერ დააღწია პოლიტიკურ გრავიტაციას თავი, რაც გახდა ჩვენი უთანხმოების მიზეზი ბოლო სხდომაზე. მათ დასკვნაში იმ შედეგებთან, რომელთანაც ერთად მივედით, დამატებით ჩაწერეს პოლიტიკური მოთხოვნებიც, რომელსაც საერთო არ აქვს ამ კომისიის მუშაობასთან. კონკრეტულად ისინი ითხოვენ იუსტიციის მინისტრის გადადგომას მხოლოდ იმიტომ, რომ მან თქვა, რომ ბავშვების დაჭერა არ შეიძლება მტკიცებულებების გარეშე. ასევე ითხოვენ შს მინისტრის გადადგომას მხოლოდ იმიტომ, რომ მან გააკეთა განცხადება, თითქოს ამ განცხადების შემდეგ გამოძიება შეწყდა მაშინ, როდესაც ამ განცხადების შემდეგ 490 საგამოძიებო მოქმედება ჩატარდა და დააკავეს პირები. ასეთი ტიპის პოლიტიკური მოთხოვნების გამო, ჩვენ არ დავუჭირეთ მხარი „ევროპული საქართველოს“ დასკვნას. მე იმედს ვიტოვებ, რომ უკვე პლენარულ სხდომაზე ჩვენ შევძლებთ პოლიტიკური ინტერესებიდან დაცლილი დადგენილების მიღებას, სადაც მხოლოდ ობიექტური დასკვნები იქნება მოცემული," - განაცხადა არჩილ თალაკვაძემ.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 15.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა