ეკატერინე გალდავამ კონტრაქტორი კომპანიებისგან სამუშაოების ანგარიში მოისმინა

გაერთიანებული წყალმომარაგების კომპანიის დირექტორი ეკატერინე გალდავა, მოადგილეებთან ერთად სამშენებლო და საზედამხედველო კომპანიების წარმომადგენლებს შეხვდა.

როგორც „ინტერპრესნიუსს“ გაერთიანებული წყალმომარაგების კომპანიიდან აცნობეს, სამუშაო შეხვედრაზე, კომპანიის მენეჯმენტმა საერთაშორისო პარტნიორი კონტრაქტორებისგან წყალმომარაგება-წყალრინების უკვე შესრულებული სამუშაოების ანგარიში მოისმინა და მშენებლობის მიმდინარეობის პროცესი შეაფასა. ასევე, კომპანიის დირექტორმა საზედამხედველო კომპანიებთან პროექტების ხარისხიანად და დადგენილ ვადებში შესრულების საკითხები განიხილა.

„რეგიონებში პროექტების მიმდინარეობის პროცესს, საერთაშორისო საზედამხედველო კომპანიებთან ერთად სისტემურად ვუწევთ მონიტორინგს, რათა ის ვალდებულებები, რომელიც აღებული აქვს სამშენებლო კომპანიებს ხარისხიანად შესრულდეს. მშენებლობის ტემპი რიგ ობიექტებზე არადამაკმაყოფილებელია. გვექნება აქტიური კომუნიკაცია კონტრაქტორ კომპანიებთან, რათა უზრუნველვყოთ წარმოქმნილი ყველა საკითხის უმოკლეს ვადებში გადაჭრა. არის გარკვეული ხარვეზები და მაქსიმალური კეთდება იმისათვის, რომ სამუშაოების ტემპი დაჩქარდეს. ამ მიმართულებით მეტი მობილიზებული მუშაობა და პრიორიტეტების სწორად განსაზღვრა არის საჭირო, რათა საქმიანობა ბევრად ეფექტიანი გახდეს“, - განაცხადა ეკატერინე გალდავამ.

კონტრაქტორებთან შეხვედრების პარალელურად, კომპანიის მენეჯმენტი რეგიონებში ინფრასტრუქტურული პროექტების მიმდინარეობას ადგილზე აქტიურად ეცნობა, იმართება შეხვედრები ადგილობრივ მოსახლეობასთან და მუნიციპალიტეტებთან, რომლის მიზანია პრიორიტეტების სწორად განსაზღვრა და წარმოქმნილი საკითხების უმოკლეს ვადებში გადაჭრა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ