შეეკითხეთ თქვენს თავს, ახლა უფრო თავისუფლად ცხოვრობთ თავისუფალ საზოგადოებაში თუ ადრე? - ამის შესახებ ევროპის სოციალისტური პარტიის თავმჯდომარე სერგეი სტანიშევმა ქართველ ჟურნალისტებს განუცხადა.
„დემოკრატია გაუმჯობესების პერმანენტული პროცესია. ის არასოდესაა უნაკლო. თუმცა, იფიქრეთ იმაზე, თუ საიდან დაიწყეთ სააკაშვილის ძალიან ავტორიტარული მმართველობის შემდეგ, როდესაც არ იყო რეალური კანონის უზენაესობა. თუ გულწრფელი ხართ თქვენი თავის წინაშე, შეეკითხეთ თქვენს თავს, ახლა უფრო თავისუფლად ცხოვრობთ თავისუფალ საზოგადოებაში თუ ადრე? ვფიქრობ, პასუხი იქნება, რომ დღეს. ეს ასევეა „ქართული ოცნებისა“ და მთავრობის მიღწევა. ევროკავშირი ყურადღებით აკვირდება სიტუაციას საქართველოში, გვაქვს რეგულარული ანგარიშები, არის პროგრესი და ის, რომ ქართველები ვიზალიბერალიზაციით სარგებლობენ, ზუსტად რომ ამ პროგრესის შედეგია. ეს მიღწევა როგორც მთავრობის, ასევე მმართველი პარტიის მიღწევაა“, - აღნიშნა მან.