მარია ზახაროვა - სკრიპალების საქმეზე დიდ ბრიტანეთთან თანამშრომლობისკენ მოწოდება სრული ბოდვაა

რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ დასავლეთის ქვეყნების მხრიდან რუსეთისადმი სკრიპალების საქმეზე დიდ ბრიტანეთთან თანამშრომლობისკენ მოწოდებას ბოდვა უწოდა.

„უშიშროების საბჭოს გუშინდელ სხდომაზე რამდენიმე ქვეყანამ რუსეთს სკრიპალების საქმეზე დიდ ბრიტანეთთან თანამშრომლობისკენ მოუწოდა, რაც სრული აბსურდია. ეს სრული ბოდვაა. ჩვენ იძულებულები ვიყავით, ბრიტანული მხარისადმი გაგზავნილი ჩვენი მოთხოვნები გაგვესაჯაროებინა. რა თქმა უნდა, ეს დიპლომატიურ პრაქტიკას ეწინააღმდეგება, თუმცა ის, რასაც ლონდონი აკეთებს, ყველანაირ პრაქტიკას ეწინააღმდეგება“, - განაცხადა ზახაროვამ.

5 სექტემბერს დიდი ბრიტანეთის პრემიერ-მინისტრმა ტერეზა მეიმ განაცხადა, რომ სკრიპალების მკვლელობის მცდელობაში ეჭვმიტანილები ГРУ-ს თანამშრომლები არიან.

დიდი ბრიტანეთის პოლიციამ რუსეთის სპეცსამსახურების ყოფილი თანამშრომლის სერგეი სკრიპალისა და მისი ქალიშვილის იულიას მოწამვლაში ეჭვმიტანილი რუსეთის ორი მოქალაქის ვინაობა დაასახელა.

„არსებობს საკმარისი საფუძველი იმისთვის, რომ ბრალი წავუყენოთ რუსეთის მოქალაქეებს, ალექსანდრე პეტროვს და რუსლან ბოშიროვს“, - ნათქვამია დიდი ბრიტანეთის პოლიციის განცხადებაში.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 20.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება
დიდი ხანია ემზადები შავი პარასკევისთვის?! (R)
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)