ირაკლი კობახიძე - რუსეთის მიერ საქართველოს ტერიტორიების ოკუპაცია უნდა იყოს გამოწვევა არა მხოლოდ ჩვენი ქვეყნისთვის, არამედ საერთაშორისო პარტნიორებისთვის

რუსეთის მიერ საქართველოს ტერიტორიების ოკუპაცია უნდა იყოს გამოწვევა არა მხოლოდ ჩვენი ქვეყნისთვის, არამედ ჩვენი საერთაშორისო პარტნიორებისთვის, - ამის შესახებ პარლამენტის თავმჯდომარემ ირაკლი კობახიძემ სასტუმრო „რუმსში“, „პროგრესული ალიანსის“ მიერ ორგანიზებულ კონფერენციაზე - „შრომის პერსპექტივები ციფრულ ეკონომიკაში“ განაცხადა.

ქვეყნის წინაშე არსებულ გამოწვევებზე საუბრისას, კობახიძემ ხაზგასმით აღნიშნა, რომ საქართველოს ორი ისტორიული რეგიონი ოკუპირებულია რუსეთის ფედერაციის მიერ.

„პრემიერ-მინისტრმა ისაუბრა იმ მდგომარეობის შესახებ, რომელიც შექმნილია ოკუპირებულ ტერიტორიებზე - როგორც აფხაზეთში, ასევე ყოფილ სამხრეთ ოსეთში. ეს უნდა იყოს გამოწვევა არა მხოლოდ ჩვენი ქვეყნისთვის, არამედ ჩვენი საერთშორისო პარტნიორებისათვის. დარწმუნებული ვართ, ჩვენი საერთაშორისო პარტნიორების მხარდაჭერითა და თანადგომით ამ ჩვენი მნიშვნელოვანი პრობლემის მოგვარებას შევძლებთ“, - განაცხადა ირაკლი კობახიძემ.

მისივე თქმით, საქართველოს ხელისუფლების მიზანია ადამიანზე ორიენტირებული სახელმწიფოს მშენებლობა.

„ჩვენი მთავარი საგარეო პრიორიტეტი - ევროკავშირსა და ევროატლანტიკურ სივრცეში ინტეგრაცია, დაფუძნებულია იგივე ღირებულებებზე, რომელზეც აგებულია ჩვენი საშინაო პოლიტიკა. ეს არის ჩვენი ისტორიული და ღირებულებებზე დაფუძნებული არჩევანი“, - აღნიშნა ირაკლი კობახიძემ.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა