დღეს “ქართული ოცნება - დემოკრატიული საქართველო“ არის ყველაზე ძლიერი, გამართული და პატივსაცემი პოლიტიკური ორგანიზაცია საქართველოში, - ამის შესახებ პარლამენტის თავმჯდომარემ ირაკლი კობახიძემ სასტუმრო “რუმსში“, “პროგრესული ალიანსის“ მიერ ორგანიზებულ კონფერენციაზე - “შრომის პერსპექტივები ციფრულ ეკონომიკაში“ განაცხადა.

კობახიძის შეფასებით, “ქართული ოცნება“ არის ახალგაზრდა პარტია, რომელიც წლიდან წლამდე ვითარდება, აძლიერებს სტრუქტურებს და ცდილობს, კიდევ უფრო გააღრმავოს კავშირები მოსახლეობის სხვადასხვა ფენასთან.

“საქართველოს მოსახლეობისთვის ჩვენი ხედვები კარგად არის ცნობილი. სწორედ ამ ფაქტორის წყალობით ჩვენ მოვახერხეთ მყარი პოლიტიკური მხარდაჭერის მოპოვება. ამის დასტურია გასული არჩევნების შედეგები. ჩვენ მხარს გვიჭერს საქართველოს მოსახლეობის ნახევარზე მეტი, რაც მოწმობს ჩვენი კურსის მიმართ საქართველოს მოსახლეობის დადებით და პოზიტიურ დამოკიდებულებას“, - განაცხადა ირაკლი კობახიძემ.