მამუკა მდინარაძე ევროპარლამენტის ანგარიშზე - თუ რომელიმე პოლიტიკოსი იმაზე ზრუნავს, რომ ანგარიშში საქართველოსთვის ნეგატიური ჩანაწერები იყოს, ეს მათი პრობლემაა

ფრაქცია "ქართული ოცნების" თავმჯდომარე მამუკა მდინარაძეს იმედი აქვს, რომ ევროპარლამენტის მიერ მიღებული დოკუმენტი საბოლოოდ იქნება ისეთივე პოზიტიური, როგორიც პირველადი ვერსია იყო.

"თქვენ ნახეთ ევროპარლამენტის პირველადი პოზიცია, რომლის შემდეგაც ხდება ხოლმე ცვლილებების წარდგენა, ამის შემდეგ კი პოლიტიკური ჯგუფები შეჯერდებიან და დაახლოებით ნოემბრის ბოლოს იქნება ახალი ანგარიში. პირველი ვერსია იყო ძალიან კარგი, ახლა იქნება ცვლილებების განხილვა და ველოდებით, რომ ეს დოკუმენტი საბოლოოდ იქნება ისეთივე პოზიტიური, როგორიც პირველადი ვერსია იყო. თუკი რომელიმე პოლიტიკოსი ზრუნავს იმაზე, რომ ანგარიშში იყოს საქართველოსთვის ნეგატიური ჩანაწერები, ეს მათი პრობლემაა", - განაცხადა მდინარაძემ.

კითხვაზე, მუშაობს თუ არა "ქართული ოცნება" იმაზე, რომ ნეგატიური შენიშვნები არ შევიდეს ანგარიშში, დეპუტატმა აღნიშნა, რომ "ყველა ხელისუფლება აფიქსირებს ასეთ დროს თავის პოზიციას და ყველა ხელისუფლებას უნდა, რომ მისი ქვეყნისთვის პოზიტიური ანგარიში მიიღოს".

მდინარაძის თქმით, ქართული სახელმწიფო ცდილობს, რომ ევროპარლამენტის შეფასება იყოს ადეკვატური.

ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
ქართული პრესის მიმოხილვა 11.11.2019
ზაალ ანჯაფარიძე - „ნაციონალები“ და „ევროპული საქართველო“ კი აცხადებენ, რომ სურთ არჩევნების გზით იარონ, მაგრამ ცალი თვალი მაინც რევოლუციურ სცენარზე უჭირავთ