ყაზახეთის ელჩი - ყაზახეთსა და საქართველოს შორის ეკონომიკური ურთიერთობების განვითარებას დიდი პოტენციალი აქვს

ყაზახეთის ტერიტორიაზე, ჩემს ხელთ არსებული ინფორმაციით, 60 ათასზე მეტი ქართველი ცხოვრობს, რომლებსაც გააჩნიათ საკუთარი ნაციონალური კულტურული ცენტრი, მათ ასევე აქვთ შესაძლებლობა ბავშვებს ასწავლონ მშობლიურ ენაზე, - ამის შესახებ საქართველოში ყაზახეთის ახლადდანიშნულმა ელჩმა ბაურჟან მუხამეჯანოვმა პრესკონფერენციაზე განაცხადა.

ელჩმა ყაზახეთსა და საქართველოს შორის არსებულ ეკონომიკურ თანამშრომლობაზე ისაუბრა.

„ყაზახეთში 120-ზე მეტი ეროვნების ადამიანი ცხოვრობს. იქ ყველა თავს ისე გრძნობს, როგორც საკუთარ მიწაზე, მათ შორის ქართველები. დღეის მდგომარეობის, ყაზახეთის ტერიტორიაზე, ჩემს ხელთ არსებული ინფორმაციით 60 ათასზე მეტი ქართველი ცხოვრობს, რომლებსაც გააჩნიათ საკუთარი ნაციონალური კულტურული ცენტრი, მათ ასევე აქვთ შესაძლებლობა ბავშვებს ასწავლონ მშობლიურ ენაზე. როდესაც ქვეყანაში საყოველთაო თანხმობა და პოლიტიკური სტაბილურობაა, ესეც რა თქმა უნდა იზიდავს უცხოურ ინვესტიციებს ჩვენს ქვეყანაში“, - განაცხადა ბაურჟან მუხამეჯანოვმა.

რაც შეეხება საქართველოსა და ყაზახეთს შორის არსებულ ეკონომიკურ თანამშრომლობის პოტენციალს, საქართველოში ყაზახეთის ელჩის შეფასებით, ამ ურთიერთობებს განვითარების დიდი პოტენციალი აქვს.

„სავაჭრო ბრუნვაში ჩვენს ქვეყნებს ჰქონდათ როგორც აღმასვლა, ისე დაღმასვლა, თუმცა 2016 წელთან მიმართებაში გვაქვს საკმაოდ დიდი ზრდა. ამ მომენტისთვის ორ ქვეყანას შორის სავაჭო ბრუნვის საერთო თანხა 65 მილიონ დოლარს შეადგენს. 2018 წლის 6 თვის მონაცემებით ასევე მოსალოდნელია სავაჭრო ბრუნვის ზრდა. მაგრამ მინდა გითხრათ, რომ 65 მილიონი ეს ის თანხაა, რომელიც არ უნდა იყოს ჩვენს ქვეყნებს შორის ვაჭრობაში. მაგალითად, ლატვია რომ ავიღოთ, რომელიც ტერიტორიულად საქართველოზე პატარაა, მოსახლეობის მხრივ კი იდენტური, ლატვიასა და ყაზახეთს შორის სავაჭრო ბრუნვა დაახლოებით 400 მილიონ ევროს შეადგენს. შესაბამისად, რა თქმა უნდა ამ მხრივ განვითარების პოტენციალი არსებობს. რა თქმა უნდა არსებობს პრობლემები, რომლებიც მოგვარებადია“, - აღნიშნა მუხამეჯანოვმა.

ამ კონტექსტში ელჩმა ბათუმის პორტზეც ისაუბრა, რომელიც ყაზახეთმა 49- წლიან მმართველობაში აიღო. ბაურჟან მუხამეჯანოვი მიიჩნევს, რომ ბათუმის პორტთან მიმართებაში არსებული ვითარება უკეთესობისკენ შეიცვლება.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ