მლეთაში ქვეშეთი-კობის პროექტზე გარემოზე ზემოქმედების შეფასების საკონსულტაციო შეხვედრა ჩატარდა

საავტომობილო გზების დეპარტამენტმა ქვეშეთი-კობის 22.7 კმ-იანი მონაკვეთის პროექტზე, მლეთაში გარემოზე ზემოქმედების შეფასების საკონსულტაციო შეხვედრა გამართა.

როგორც „ინტერპრესნიუსს“ საქართველოს საავტომობილო გზების დეპარტამენტიდან აცნობეს, შეხვედრის მიზანი ადგილობრივი მოსახლეობის ინფორმირება და პროექტის შესახებ მათი მოსაზრებების წარმოდგენა იყო.

შეხვედრაზე, პროექტის შესახებ დეტალური პრეზენტაცია კომპანია „გამა“ კონსალტინგმა წარადგინა. პროექტის შესახებ მოსაზრებები ადგილობრივი მოსახლეობისა და არასამთავრობო ორგანიზაციების წარმომადგენლებმა გამოთქვეს.

განხილვაში, რეგიონული განვითარებისა და ინფრასტრუქტურის მინისტრის პირველი მოადგილე, საავტომობილო გზების დეპარტამენტის თავმჯდომარე ირაკლი ქარსელაძე, მცხეთა-მთიანეთის მაჟორიტარი დეპუტატი ზაქარია ქუცნაშვილი, ადგილობრივი თვითმმართველობის, გარემოს დაცვისა და განსახლების სპეციალისტები, ადგილობრივი მოსახლეობა, არასამთავრობო ორგანიზაციების წარმომადგენლები და სხვა დაინტერესებული პირები მონაწილეობდნენ.

დეპარტამენტის ინფორმაციით, ყველა წარმოდგენილი წინადადება დეტალურად გაანალიზდება და შესაძლებლობის ფარგლებში გარემოზე ზემოქმედების შეფასების საბოლოო ანგარიშში აისახება.

„ქვეშეთი-კობის გზის მშენებლობის ფარგლებში გათვალისწინებულია 22.7 კმ-იანი 2 ზოლიანი ასფალტ-ბეტონის გზის, 6 ხიდისა და 5 გვირაბის მშენებლობა, მათ შორის ერთი 9 კმ-იანი გვირაბის მშენებლობა. გვირაბი, სოფელ წკერესთან დაიწყება და სოფელ კობთან დასრულდება, აღნიშნული გვირაბი ჯვრის უღელტეხილის ქვეშ გაივლის. პროექტის განხორციელების შედეგად მივიღებთ უფრო უსაფრთხო და საიმედო პირობებს ზამთრის პერიოდში გზით მოსარგებლე მგზავრებისთვის. გარდა ამისა, ახალი გზა აარიდებს სატრანსპორტო ნაკადს ყაზბეგის ეროვნულ პარკს და გუდაურის ზამთრის კურორტს. გზა ასევე გააუმჯობესებს ხეობაში დარჩენილი მოსახლეობის საარსებო პირობებს, რომელიც ამ დროისთვის ზამთარში მოწყვეტილია დანარჩენ სამყაროს და ხადას ხეობის სოფლები თითქმის დაცლილია.

ახალი გზის მშენებლობის დასრულების შემდეგ, არსებული 35 კმ-იანი გზის ნაცვლად ქვეშეთიდან კობამდე გადაადგილების მანძილი 12 კმ-ით შემცირდება და 1 საათიანი მგზავრობის ნაცვლად აღნიშნული გზის გავლა 20 წუთში იქნება შესაძლებელი“, – აცხადებენ დეპარტამენტში.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 15.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა