დავით ჭიჭინაძე - კობახიძეს ცოცხალი არადეპუტატი და არამინისტრი დიდი ხანია არ უნახავს, ამიტომ, არ მგონია რიგითი მოქალაქეების აზრი კარგად იცოდეს

მე მგონი ირაკლი კობახიძეს ცოცხალი არადეპუტატი და არამინისტრი ადამიანი დიდი ხანია არ უნახავს, ამიტომ არ მგონია რიგითი მოქალაქეების აზრი კარგად იცოდეს, - ამის შესახებ დეპუტატმა, დავით ჭიჭინაძემ „პალიტრანიუსის“ გადაცემა „360 გრადუსის“ ეთერში სტუმრობისას განაცხადა.

დეპუტატი გამოეხმაურა პარლამენტის თავმჯდომარის, ირაკლი კობახიძის ბოლოდროინდელ განცხადებებს, რომელიც აცხადებს, რომ არჩევნების მეორე ტურის გამართვის საჭიროება სავარაუდოდ არ იქნება.

„კობახიძე როდის შეხვდა ბოლოს ამომრჩეველს და მოსახლეობას, ეგ კითხეთ და მაგის მერე გავაკეთებ მაგის განცხადებებზე კომენტარს. მე მგონი მაგას ცოცხალი არამინისტრი და არადეპუტატი ადამიანი დიდი ხანია არ უნახავს, ამიტომ არ მგონია რიგითი მოქალაქეების აზრი კარგად იცოდეს“, - განაცხადა ჭიჭინაძემ.

დეპუტატი დარწმუნებულია, რომ პრეზიდენტობის დამოუკიდებელი კანდიდატი სალომე ზურაბიშვილი არჩევნების პირველ ტურში ვერ გაიმარჯვებს.

„მე სალომე ზურაბიშვილის წინააღმდეგი არ ვარ, მე ვარ ფორმის წინააღმდეგი. ქალბატონი სალომე „ქართულ ოცნებას“ კანდიდატად რომ დაესახელებინა, ეს სხვა საკითხი იქნებოდა. ახლა ისეთი განცხადებები კეთდება, რომ შესაძლებელი იყო ღიად დაგვეჭირა მხარი. ანუ არ გჯერა, რომ ამ ქალბატონით პირველ ტურში ვერ მოიგებ? მაშინ ასე გამოდის. პირველ ტურში არ მოგება ჩვენთვის სერიოზული პრობლემაა, რადგან მეორე ტური სასიამოვნო არ არის“, - განაცხადა დავით ჭიჭინაძემ.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
ქართული პრესის მიმოხილვა 21.09.2020
რევაზ კოპალაძე - ქვეყნებში, სადაც გულშემატკივრობენ საქართველოს, მტკივნეულად აღიქვამენ სახელმწიფოს ჩარევას „კავკასუს ონლაინის“ სამეწარმეო თავისუფლებაში