რეჯეფ თაიფ ერდოღანი - იდლიბის საკითხი ახალი უბედურების პროვოცირების გარეშე უნდა გადაწყდეს

თურქეთი გვერდზე არ გადგება თუ საერთაშორისო საზოგადოება სირიაში უდანაშაულო ხალხის მკვლელობას უგულებელყოფს, - ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა.

„თუ ბაშარ ასადის რეჟიმის ინტერესების გამო უგულებელყოფილი იქნება ათი ათასობით ადამიანის მკვლელობა, თურქეთი ვერ დარჩება პარტნიორი ან უბრალოდ დამკვირვებელი ამგვარ თამაშში. თეირანში სამიტზე თურქეთმა ღიად განაცხადა, რომ მეთოდები, რომლებიც უგულებელყოფენ მშვიდობიანი სირიელი მოქალაქეების უსაფრთხოებას, სარგებლის მომტანი არ არის და მხოლოდ ხელს უწყობენ ტერორისტების ქმედებებს“, - განაცხადა რეჯეფ თაიფ ერდოღანმა.

თურქეთის პრეზიდენტის თქმით, „იდლიბის საკითხი ახალი უბედურების პროვოცირების გარეშე უნდა გადაწყდეს“.

რეჯეფ თაიფ ერდოღანმა ხაზგასმით აღნიშნა, რომ თურქეთმა უკვე 3,5 მილიონი სირიელი დევნილი მიიღო.

შეგახსენებთ, რომ სირიაში სიტუაციის დარეგულირების საკითხზე გუშინ თეირანში რუსეთის, თურქეთისა და ირანის პრეზიდენტების სამიტი გაიმართა. მხარეები შეთანხმდნენ, რომ განაგრძობენ სამოქალაქო პირების დაცვას და სირიაში ჰუმანიტარული ვითარების გაუმჯობესებას.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 14.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა