სალომე ზურაბიშვილმა ცესკოში 73 ათასზე მეტი მხარდამჭერის ხელმოწერა შეიტანა

დამოუკიდებელმა საპრეზიდენტო კანდიდატმა სალომე ზურაბიშვილმა ცენტრალურ საარჩევნო კომისიაში 73 ათასზე მეტი მხარდამჭერის ხელმოწერა შეიტანა. ჟურნალისტებთან საუბრისას ზურაბიშვილმა მხარდამჭერებსა და იმ ადამიანებს, ვინც ხელმოწერების შეგროვებაზე მუშაობდა, მადლობა გადაუხადა.

"დღეს დასრულდა ხელმოწერების შეგროვების პირველი ეტაპი. შევიტანეთ 73 ათასზე მეტი ხელმოწერა. მინდა ვისარგებლო შემთხვევით და ყველას დიდი მადლობა მოვახსენო, ვინც მუშაობდა ხელმოწერების შეგროვებაზე. ძალიან ბევრი ღამე გაათენეს ამ საქმეზე. მინდა ასევე მადლობა გადავუხადო იმ ადამიანებს, ვინც ხელი მოაწერა და საშუალება მომცა, რომ ჩემი კანდიდატურა დარეგისტრირებულიყო. მინდა მადლობა მოვახსენო მათაც, ვინც ვერ ან არ მოაწერა ხელი, რამეთუ მე ვიქნები მათი პრეზიდენტიც. 12 სექტემბერს ქუთაისიდან იწყება მეორე ეტაპი და მთელ რეგიონებს მოვივლი ამ საბოლოო მარათონის მანძილზე,"- განაცხადა სალომე ზურაბიშვილმა.

შეგახსენებთ, რომ ცესკოში დასარეგისტრირებლად საპრეზიდენტო კანდიდატებმა არანაკლებ 25 923 ხელმოწერისა უნდა შეიტანონ.

იხილეთ ვიდეო: სალომე ზურაბიშვილმა ცესკოში 73 ათასზე მეტი მხარდამჭერის ხელმოწერა შეიტანა

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 18.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო