გიორგი მერებაშვილი - გურამ კაშიას მთელი გუნდი გვერდში ვუდგავართ

გურამ კაშიას მთელი გუნდი გვერდში ვუდგავართ, - ამის შესახებ საქართველოს ეროვნული ნაკრების ფეხბურთელმა, გიორგი მერებაშვილმა გურამ კაშიასთან მიმართებაში ხვალინდელ თამაშზე მოსალოდნელ უსიამოვნო ინციდენტზე დასმული კითხვის საპასუხოდ განაცხადა.

მერებაშვილის თქმით, კაშია ნაკრებისთვის მნიშვნელოვანი ფეხბურთელია, ისევე როგორც ნაკრების ნებისმიერი მოთამაშე.

"მე ძალიან ბევრჯერ დავაფიქსირე ამ თემასთან დაკავშირებით ჩემი პოზიცია. ფეხბურთი გუნდური სპორტია და თითოეული ფეხბურთელი ჩვენთვის ძალიან მნიშვნელოვანია. გურამ კაშია ჩვენთვის ძალიან მნიშვნელოვანი ფეხბურთელია, კარგი პიროვნებაა, მე მას დიდი ხანია ვიცნობ და მთელი გუნდი გვერდში ვუდგავართ", - განაცხადა გიორგი მერებაშვილმა.

ამასთან, მან ქომაგებს ყაზახეთში გუნდის მხარდაჭერისთვის მადლობა გადაუხადა და გულშემატკივრებს ხვალინდელ თამაშზე სტადიონზე მისვლისკენ მოუწოდა.

9 სექტემბერს, საქართველოს ეროვნული საფეხბურთო ნაკრები ლატვიას დაუპირისპირდება. შეხვედრა „დინამო არენაზე“ გაიმართება. როგორც ცნობილია, „ქართული მარში“ და მისი მხარდამჭერები სტადიონთან მისვლას და გურამ კაშიას წინააღმდეგ აქციის ჩატარებას გეგმავენ.

შეგახსენებთ, რომ საქართველოს ეროვნული ნაკრების ვიცე-კაპიტანი გურამ კაშია უეფა-ს გადაწყვეტილებით, Equal Game-ის ჯილდოს პირველი მფლობელი გახდა.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ