ავღანეთის ჩრდილო-აღმოსავლეთში რადიკალური მოძრაობა „თალიბანის“ თავდასხმას სულ მცირე 20 ძალოვანი ემსხვერპლა. ამის შესახებ ადგილობრივ ხელისუფლებაზე დაყრდნობით ტელეარხი Tolo news იუწყება.

„თალიბანის“ წევრებმა ბაღლანის პროვინციაში, რამდენიმე საკონტროლო-გამშვებ პუნქტზე თავდასხმა ღამით განახორციელეს. გავრცელებული ინფორმაციით, ამჟამად 13 საკონტროლო-გამშვებ პუნქტს და რამდენიმე სოფელს „ბოევიკები“ აკონტროლებენ.

ტელეარხის ინფორმაციით, მომხდარზე პასუხისმგებლობა „თალიბანმა“ უკვე აიღო.