ჩრდილოეთ კორეაში კორეის სახალხო დემოკრატიული რესპუბლიკის დაარსების 70-ე წლისთავისადმი მიძღვნილი სამხედრო აღლუმი გაიმართა. „დოიჩე ველეს“ ინფორმაციით, აღლუმზე ჩვეულებრივზე ნაკლები რაკეტა იყო წარმოდგენილი, უახლესი წარმოების კონტინენტთაშორისი ბალისტიკური რაკეტები კი საერთოდ არ იყო. ამასთან, აღლუმის მონაწილეთა დიდ ნაწილს სამოქალაქო პირები - მედიკოსები და ინჟინერები წარმოადგენდნენ.

აღლუმის დასაწყისში პარლამენტის თავმჯდომარე კიმ გიონ ნამი შედარებით ნეიტრალური სიტყვით გამოვიდა, რომელშიც ხაზი ჩრდილოეთ კორეის არა ბირთვულ პოტენციალს, არამედ ეკონომიკურ მიზნებს გაუსვა. აღლუმს ესწრებოდა ქვეყნის ლიდერი კიმ ჩენ ინიც, თუმცა შეკრებილებისადმი სიტყვით არ მიუმართავს.