თამარ ჩუგოშვილი - მგონია, რომ "ომეგა ჯგუფი" მედიასაშუალებასთან კავშირს ბოროტად იყენებს

მგონია, რომ "ომეგა ჯგუფი" მედიასაშუალებასთან კავშირს ბოროტად იყენებს, - ამის შესახებ საქართველოს პარლამენტის ვიცე-სპიკერმა თამარ ჩუგოშვილმა ჟურნალისტებს ტელეკომპანია "იბერიასთან" და "ომეგა ჯგუფთან" დაკავშირებით დასმული კითხვის პასუხად განუცხადა.

როგორც ჩუგოშვილმა აღნიშნა, კომპანიებმა გადასახადები უნდა გადაიხადონ და მეწილეებმა ერთმანეთთან ურთიერთობები სახელმწიფოს ჩარევის გარეშე უნდა გაარკვიონ.

"მგონია, რომ ძალიან არასწორი მიდგომაა, როდესაც ბიზნესმენები თავიანთ ფინანსურ პრობლემებს ნათლავენ ხელისუფლების მხრიდან ზეწოლად. ვფიქრობ, ამასთან გვაქვს საქმე. თქვენს მფლობელებს, პარტნიორებს თუ აქვთ ფინანსური პრობლემები, მგონია, რომ უნდა მოიქცნენ ისე, როგორც ნებისმიერი ბიზნესმენი და არ გამოიყენოს ის, რომ კავშირი აქვთ მედიასაშუალებასთან. მგონია, რომ საქმე გვაქვს ამ კავშირის ბოროტად გამოყენებასთან. გადასახადები უნდა გადაიხადონ კომპანიებმა და მეწილეებმა ერთმანეთთან ურთიერთობები უნდა გაარკვიონ სახელმწიფოს ჩარევის გარეშე",- განაცხადა ჩუგოშვილმა.

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 18.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო