ირაკლი კობახიძე - უზრუნველყოფილი იქნება სალომე ზურაბიშვილის მიმართ “ქართული ოცნების“ გუნდის სრული მხარდაჭერა

“ქართული ოცნების“ გუნდის სრული მხარდაჭერა სალომე ზურაბიშვილის მიმართ უზრუნველყოფილი იქნება, - ამის შესახებ ჟურნალისტებს პარტია “ქართული ოცნების“ აღმასრულებელმა მდივანმა, პარლამენტის თავმჯდომარემ ირაკლი კობახიაძემ პარტიის პოლიტსაბჭოს სხდომის დასრულების შემდეგ განუცხადა.

კობახიძის შეფასებით, სალომე ზურაბიშვილი არის პრეზიდენტობის ყველაზე ღირსეული დამოუკიდებელი კანდიდატი, რომელსაც შეუძლია საპრეზიდენტო უფლებამოსილებები სათანადოდ განახორციელოს.

კითხვაზე, ექნება თუ არა ზურაბიშვილს ფინანსური მხარდაჭერა “ქართული ოცნებისგან“, კობახიძემ განმარტა, რომ პარტია ზურაბიშვილს მხარს დაუჭერს კანონით გათვალისწინებული ყველა შესაბამისი ღონისძიების ფარგლებში.

პარტია “ქართული ოცნების“ პოლიტსაბჭოს გადაწყვეტილებით, მმართველი პარტია 28 ოქტომბრის საპრეზიდენტო არჩევნებში მონაწილეობას არ მიიღებს და მხარს პრეზიდენტის პოსტზე დამოუკიდებელ კანდიდატს სალომე ზურაბიშვილს დაუჭერს.

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 18.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო