ქსელის გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. როგორც „ინტერპრესნიუსს“ კომპანია „ენერგო-პრო ჯორჯიადან“ აცნობეს, 10 სექტემბერს, 11:00 საათიდან 16:00 საათამდე, ელექტროენერგიის მიწოდება შეეზღუდება 1551 აბონენტს დაბა ფასანაურში და დუშეთის მუნიციპალიტეტის სოფლებში: ჭართალი, ზანდუკი, ცხვედიეთი, ჩოხი და მიმდებარე სოფლებში.

10:30 საათიდან 17:30 საათამდე ძაბვის მიწოდება შეუწყდება 845 მომხმარებელს დუშეთის მუნიციპალიტეტის სოფლებში: მაღაროსკარი, ბარისახო, თვალივი, ჩარგალი და მიმდებარე სოფლებში.

სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.