რუსეთის 60-ზე მეტ ქალაქში ჩატარებულ მასშტაბურ საპროტესტო აქციებზე 839 ადამიანი დააკავეს

რუსეთის 60-ზე მეტ ქალაქში ჩატარებულ მასშტაბურ საპროტესტო აქციებზე 839 ადამიანი დააკავეს. ამის შესახებ „ოვდ-ინფო“ იტყობინება.

დემონსტრანტები საპენსიო ასაკის გაზრდას აპროტესტებდნენ. რამდენიმე ქალაქში აქციები პოლიციასთან შეტაკებაში გადაიზარდა. მედიის ცნობით, ხშირ შემთხვევაში სამართალდამცველების მხრიდან ძალის გადამეტებას ჰქონდა ადგილი.

აქციის ორგანიზატორი ოპოზიციონერი ალექსეი ნავალნი იყო, რომელიც ამჟამად პატიმრობაში იმყოფება. უმეტეს შემთხვევაში გამოსვლები ადგილობრივ მთავრობასთან შეთანხმებული არ იყო.

აღსანიშნავია, რომ აქციები მოსკოვის მერის და რეგიონული არჩევნების პარალელურად მიმდინარეობდა.