ავღანეთში, რადიკალური მოძრაობა „თალიბანის“ თავდასხმის შედეგად, 15 ავღანელი ძალოვანი დაიღუპა, ხოლო 18 კი დაშავდა. ამის შესახებ ინფორმაციას ტელეარხი Tolo News ავრცელებს.

არსებული ინფორმაციით, „თალიბანის“ წევრები კუნდუზის პროვინციაში მდებარე ერთ-ერთ საკონტროლო-გამშვებ პუნქტს დაესხნენ თავს.

ავღანეთში სამთავრობო ძალებსა და რადიკალურ მოძრაობა „თალიბანს“ შორის დაპირისპირება გრძელდება. ავღანეთის უშიშროების ძალები მუდმივად ატარებენ ტერორიზმთან ბრძოლის ფარგლებში ოპერაციებს.