ტელეკომპანია „იბერია“ მაუწყებლობის საგანგებო რეჟიმზე გადავიდა. არხმა პროტესტის ნიშნად რამდენიმე საათით მაუწყებლობა შეწყვიტა.

კომპანიის თანამშრომლები ხელისუფლებას ზეწოლასა და ტელევიზიის დახურვის მცდელობაში ადანაშაულებენ. ამასთან, ტელეკომპანიის თანამშრომლები აპირებენ მსვლელობა გამართონ არხის შენობიდან მთავრობის ადმინისტრაციამდე.

„ჩვენ არაფერს გვიტოვებენ, გარდა პროტესტისა. ჩვენ ვართ ჟურნალისტები და ვერ გამოვიყვანთ ტანკებს. ჩვენ შეგვიძლია ჩვენი სიტყვით და რეპორტაჟებით გავაპროტესტოთ ის უკანონობა, რაც ხდება. მაუწყებლობას სამ საათში აღვადგენთ, როდესაც მთავრობის ადმინისტრაციიდან დავბრუნდებით. საქართველოს პროკურატურას მინიმუმ სისხლის სამართლებრივი ნიშნები მაინც უნდა აღმოეჩინა გუჩინდელ აუდიოჩანაწერთან დაკავშირებით. მინიმუმ ჟურნალისტური საქმიანობის ხელის შეშლა არის ეს. ხალხს ვაჩვენებთ, რომ ჟურნალისტებზე ხდება ზეწოლა," - განაცხადა არხის საინფორმაციო სამსახურის უფროსმა ვახო ხუზმიაშვილმა.

რაც შეეხება არხის მაუწყებლობის განახლებას, კომპანიაში აცხადებენ, რომ მაუწყებლობა საპროტესტო აქციის შემდეგ განახლდება.