"ევროპული საქართველოს" წევრის, სერგო რატიანის შეფასებით, ის, რომ 2008 წელს საქართველომ დაიწყო ომი, დღეიდან ხდება „ქართული ოცნების" სავიზიტო ბარათი. ასე აფასებს რატიანი „ქართული ოცნების" გადაწყვეტილებას, რომელიც საპრეზიდენტი არჩევნებზე მხარს სალომე ზურაბიშვილს დაუჭერს.

„არანაირი დამოუკიდებელი კანდიდატი არ არსებობს, ეს რაღაც უცნაური თამაშებია. მმართველ გუნდს ჰყავს თავისი კანდიდატი და ამ კანდიდატს ჰქვია სალომე ზურაბიშვილი. მე ვფიქრობ, იმის შემდეგ, რაც მან განაცხადა საქართველოს მხრიდან ომის დაწყებასთან დაკავშირებით, უბრალოდ წარმოუდგენელია, რომ მმართველი ძალა სწორედ ამ კანდიდატს უჭერს მხარს. ეს არის „ქართული ოცნების" სრული ლუსტრაცია. ის, რომ საქართველომ დაიწყო ომი, დღეიდან ხდება "ქართული ოცნების" სავიზიტო ბარათი", - განაცხადა სერგო რატიანმა.