რელიგიის საკითხთა სახელმწიფო სააგენტო ყველა იუდეველს, განსაკუთრებით კი საქართველოს ებრაულ თემს როშ-ჰაშანას დღესასწაულს ულოცავს. როგორც სააგენტოში აცხადებენ, იუდეველები როშ-ჰაშანას - ებრაულ ახალ წელიწადს ზეიმობენ.

„როშ - ჰაშანა ებრაელთათვის გასულ წელზე სულიერი ანგარიშის პერიოდია, როცა ყოველი ებრაელი ინანიებს საკუთარ შეცდომებსა და ცოდვებს, დღესასწაული ებრაული კალენდრის პირველი ორი დღის განმავლობაში აღინიშნება. რელიგიის საკითხთა სახელმწიფო სააგენტო ულოცავს ყველა იუდეველს, განსაკუთრებით კი საქართველოს ებრაულ თემს როშ-ჰაშანას დღესასწაულს და ბედნიერ, ნაყოფიერ და მშვიდობიან წელს უსურვებს მათ“, - აცხადებენ რელიგიის სააგენტოში.