ფინანსთა მინისტრის ივანე მაჭავარიანის შეფასებით, სალომე ზურაბიშვილი პრეზიდენტობის ღირსეული კანდიდატია. „მე მგონი, ძალიან საინტერესო კანდიდატია, რადგან პირველ რიგში ის არის მიუკერძოებელი. მჯერა, რომ ის იქნება ჭეშმარიტად ყველას პრეზიდენტი და არა რომელიმე პარტიის წარმომადგენელი. ამავდროულად, მას აქვს სერიოზული გამოცდილება როგორც დიპლომატიური, ასევე პოლიტიკური. შესაბამისად, წარმატებებს ვუსურვებ“, - აღნიშნა ივანე მაჭავარიანმა.