ტელეკომპანია „იბერიას“ თანამშრომლებმა მთავრობის ადმინისტრაციასთან საპროტესტო აქცია გამართეს

მთავრობის ადმინისტრაციასთან ტელეკომპანია „იბერიას“ თანამშრომლების საპროტესტო აქცია გაიმართა. არხის წარმომადგენლებმა და ჟურნალისტებმა ხელისუფლებას კიდევ ერთხელ მოუწოდეს, შეწყვიტონ „ომეგა ჯგუფსა“ და ტელეკომპანია „იბერიაზე“ ზეწოლა.

საპროტესტო აქციაზე განცხადება გააკეთა საინფორმაციო სამსახურის ხელმძღვანელმა ვახო ხუზმიაშვილმა და აღნიშნა, რომ ისინი დანებებას არ აპირებენ.

"ჩვენ გვინდა კიდევ ერთხელ ვუთხრათ, რომ არ დავთმობთ ტელეკომპანია „იბერიას“ და ვიბრძოლებთ იქამდე, ვიდრე ამის რესურსი გვექნება. ფორმალურად მაინც შეიძლებოდა კანცელარიიდან პრესსამსახური გამოსულიყო, თუმცა დასტურდება, რომ მათ თავისუფალი მედია არ აინტერესებთ", - განაცხადა ვახო ხუზმიაშვილმა.

ტელეკომპანია „იბერიას“ ჟურნალისტი ლუბა ელიაშვილი არხის წინააღმდეგ მიმდინარე პროცესებს "იბერიას " კრიტიკულ პოზიციას უკავშირებს.

"არსებული სიტუაციიდან ერთადერთი გამოსავალი არსებობს, რომ შეწყდეს ქვეყნის მაფიოზური და კლანური მმართველობა და იყოს თავისუფალი მედია. „იბერია“ კრიტიკულია და მხოლოდ ამის გამო ერჩიან „ომეგა ჯგუფს“. ლევან ყიფიანმა გუშინ გავრცელებულ აუდიო ჩანაწერში თქვა, რომ დავალებებს იღებდა კანცელარიიდან. ამ ჩანაწერით დასტურდება, რომ პროცესები კომპანიის კრიტიკულ პოზიციას უკავშირდება", - განაცხადა ლუბა ელიაშვილმა.

ამასთან, ჟურნალისტები მოითხოვენ სამართალდამცველების რეაგირებას გუშინ გავრცელებული აუდიო ჩანაწერთან დაკავშირებით. ჟურნალისტების განცხადებით, აუდიოჩანაწერში, სავარაუდოდ, სპორტის ყოფილი მინისტრი ლევან ყიფიანი, „ომეგა ჯგუფის“ დამფუძნებელს ზაზა ოქუაშვილს ეუბნება, რომ პრობლემების მოგვარების სანაცვლოდ უნდა დათმოს „იბერია“.

ტელეკომპანია „იბერიას“ ჟურნალისტებმა საპროტესტო აქცია მსვლელობა არხის ოფისიდან დაიწყეს და მთავრობის ადმინისტრაციასთან დაასრულეს. აქციის პარალელურად პროტესტის ნიშნად გათიშული იყო ეთერი. მათივე ინფორმაციით, სამსახურში დაბრუნებისთანავე ეთერი აღდგება.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება