ბუტა რობაქიძის საქმეზე, ბრალდების მხარემ საკუთარი მტკიცებულებების გამოკვლევა დაასრულა

ბუტა რობაქიძის საქმეზე, რომელზეც ბრალი შსს-ს ყოფილ მაღალჩინოსნებს, მათ შორის კრიმინალური პოლიციის ყოფილ უფროსს, ირაკლი ფირცხალავას, პრესსამსახურის ყოფილ ხელმძღვანელს გურამ დონაძეს და საპატრულო პოლიციის ყოფილ უფროსს, ზურაბ მიქაძეს აქვთ წაყენებული, ბრალდების მხარემ საკუთარი მტკიცებულებების გამოკვლევა დაასრულა.

მომდევნო სხდომიდან მტკიცებულებების გამოკვლევას უკვე დაცვის მხარე დაიწყებს.

დღევანდელ სხდომაზე, ბრალდების მხარემ რამდენიმე მოწმის, გამოძიების ეტაპზე მიცემული ჩვენებების გამოქვეყნების შუამდგომლობა დააყენა. პროკურორებმა განმარტეს, რომ მოწმეების სასამართლოში წარმოდგენა სხვადასხვა მიზეზების გამო ვერ ხერხდება.

ბრალდების შუამდგომლობას დაცვის მხარე არ დაეთანხმა, თუმცა მოსამართლემ პროკურატურის შუამდგომლობა ნაწილობრივ დააკმაყოფილა და მოთხოვნილი ოთხი მოწმიდან სამის ჩვენების სასამართლოში გამოქვეყნება დასაბუთებულად მიიჩნია.

აღნიშნული შუამდგომლობით სახელმწიფო ბრალდებამ საკუთარი მტკიცებულებების გამოკვლევა დაასრულა.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა