მთავარი მოთხოვნა იქნება, დაისაჯონ ის ადამიანები, რომლებიც უშუალოდ არიან ამ ტერაქტში გარეულნი, ვისაც აქვს სისხლში ხელები ამოსვრილი, - ამის შესახებ თემირლან მაჩალიკაშვილის მამამ მალხაზ მაჩალიკაშვილმა ჟურნალისტებს პარლამენტთან განუცხადა, სადაც 18:00 საათზე საპროტესტო აქცია უნდა გაიმართოს.
მისი თქმით, ის ითხოვს ვახტანგ გომელაურის, სოსო გოგაშვილის და იმ სპეცრაზმელის დასჯას, ვინც მის შვილს ესროლა.
პარლამენტთან ამ დროისთვის 20-მდე ადამიანია შეკრებილი. ისინი სამართლიანობის აღდგენას და მკვლელების დასჯას ითხოვენ.