დღევანდელ პირობებში, როცა ბიზნესი თავისუფალია, სალომე ზურაბიშვილს არ გაუჭირდება ფინანსების მოძიება თავისი საარჩევნო კამპანიისთვის,- ამის შესახებსაპარლამენტო უმრავლესობის ლიდერმა არჩილ თალაკვაძემ "ქართული ოცნების" ოფისში საპარლამენტო უმრავლესობის სხდომის დასრულების შემდეგ ჟურნალისტებს განუცხადა.
მისი თქმით, გასაკვირი არ იქნება, თუ სალომე ზურაბიშვილს ბიზნესისგან მხარდაჭერა ექნება. "ნამდვილად არ იქნება გასაკვირი საზოგადოებისთვის თუ ქალბატონი სალომე წარმატებულ კამპანიას ჩაატარებს და მიიღებს კერძო სექტორისგან შემოწირულობებს. მე, პირადად, ვფიქრობ, რომ არაერთი სუბიექტი დაინტერესდება, მხარი დაუჭიროს მის კამპანიას. ეს ბუნებრივიცაა. დღევანდელ პირობებში, როცა ბიზნესი თავისუფალია, მას არ გაუჭირდება ფინანსების მოძიება თავისი კამპანიისთვის",-აღნიშნა თალაკვაძემ.
"ქართული ოცნება" საპრეზიდენტო არჩევნებში მხარხაჭერას სალომე ზურაბიშვილს უცხადებს.